Publicaciones

Temas

Promoven unha cata arqueolóxica no monte Castro Valente, na parte de Padrón

06/12/2020 · Hemeroteca

Noticia Voz de Galicia 06/12/2020

Tempos Arqueólogos en Padrón, A Coruña

Promoven unha cata arqueolóxica no monte Castro Valente, na parte de Padrón


A intervención enmárcase nun proxecto de investigación que está dirixido polo arqueólogo Mario Fernández para saber máis dun xacemento pouco explorado

 

Castelos no aire. As fortalezas como símbolo do poder aristocrático na Gallaecia (400-600 e.c.) é o nome do proxecto de investigación dirixido polo doutor en Arqueoloxía Mario Fernández Pereiro, financiado pola Deputación da Coruña a través das Bolsas de Investigación 2020 e realizado dentro do Grupo Sincrisis. Investigación en Formas Culturais da Facultade de Xeografía e Historia da Universidade de Santiago.

 
 
O proxecto arrancou en outubro, ten unha prolongación dun ano e, entre os plans previstos, unha escavación arqueolóxica no monte Castro Valente, tamén coñecido como A Cerca por moitos dos veciños que residen no seu entorno, situado no límite das parroquias de Herbón e Carcacía, no concello de Padrón, e Barcala, no de A Estrada. A intervención será no cumio, en terreo das parroquias padronesas.

 
 Deste xeito, en dúas semanas, aproximadamente, está previsto realizar a escavación para determinar o estado de conservación do castro e a súa cronoloxía, para deseñar estratexias futuras, segundo explica o director do proxecto. Para a intervención no Castro Valente, conta coa colaboración do proxecto de investigación Territorio e Poder Monástico na Idade Media. Unha aproximación comparativa (Terpomed), do doutor José Carlos Sánchez Pardo, financiado pola Consellería de Cultura na convocatoria Proxectos de Excelencia: Liña de reforzo de traxectorias emerxentes.

  
Dos traballos de campo encargarase a empresa Tempos Arqueólogos.

De acordo con Mario Fernández, «sábese moi pouco» do xacemento de Castro Valente, pese a que é o terceiro recinto amurallado mellor conservado que hai da súa época. Precisamente o descoñecemento sobre o mesmo, máis alá de que foi un territorio fortificado e ocupado despois do Imperio Romano, arredor do século V, é unha das súas características. Por iso, un dos obxectivos da escavación é «coñecer un pouco máis, de modo que calquera cousa que atopemos será unha novidade», asegura o director do proxecto, que xa dedicou a súa tese doutoral a Castro Valente. Ten arredor de 11 hectáreas no seu recinto amurallado, que é a que mellor se conserva, pero non se descarta que existan outro tipo de estruturas na ladeira do monte. A escavación arqueolóxica intervirá nun anaco do sistema defensivo do xacemento, co fin de obter máis datos sobre el: modo de construción e antigüidade, entre outros.

 O proxecto de Mario Fernández ten outra pata de interese para a comarca de Padrón, neste caso para revisar os traballos feitos en torno á cidade romana de Iria-Flavia, co fin de xuntar datos para futuras actuacións.

¡Compártelo!

¿Quieres más información sobre los proyectos y trabajos de Tempos Arqueólogos?

Si estás interesado en contar con el equipo de Tempos Arqueólogos en algún proyecto no dudes en contactar con nosotros y solicitar un presupuesto a medida.