Publicaciones

Temas

Noticia de la localización de la tercera muralla y fosos del castillo de Rocha Forte (Santiago de Compostela)

Publicado: 15 de noviembre de 2020, 16:39
  1. Hemeroteca

O castelo da Rocha Forte pode observarse a carón da vía do ferrocarril que une Santiago de Compostela coa provincia de Pontevedra. E garda entre as súas paredes, destruídas durante a revolta irmandiña do século XV, unha parte importante da historia da cidade compostelá. Acolleu a residencia arcebispal, e serviu tamén como punto de vixilancia militar. E na historia máis recente foi refuxio de fuxidos durante a ditadura franquista e acubillo para botíns roubados, como o sustraído nunha xoiería compostelá a comezos do século XX. Sufriu tamén a destrución por mor da que foi a primeira liña de tren en Galicia, entre Cornes e Carril, e no medio del chantouse unha torre de alta tensión nos anos 60. Despois de todo isto, Rocha Forte permanece hoxe como un relevante enclave arqueolóxico, e acaba de ser obxecto de novas investigacións que revelaron novos detalles.

Os traballos, impulsados polo Concello de Santiago, permitiron sacar á luz parte dun complexo sistema defensivo que protexería o acceso principal da fortaleza, e localizáronse dous tramos de muralla, un deles cunha torre circular encostada; e dous fosos.

 Imaxe da nova prospección. Foto: Concello de Santiago.
Segundo expuxo co Concello, os novos achados son froito de máis dunha década de investigación coa que é posible observar gran parte do sector principal, cunha planta cuadrangular, agás o extremo alterado pola vía do tren, con dúas murallas defensivas concéntricas e unha torre da homenaxe situada na súa posición central. A procura dunha terceira muralla, que xa aparecía citada en antigos documentos, empezou a finais de 2019 mediante unha prospección xeofísica co sistema de tomografía de resistividade eléctrica. Estes traballos, realizados polo xeólogo Óscar Pazos e a arqueóloga Mª José Bóveda, deron como resultado distintas anomalías que foron interpretados como parte do sistema defensivo exterior ao castelo. Con esta información procedeuse á realización da actual campaña de sondaxes valorativos que dirixiu o arqueólogo Mario César da empresa Tempos arqueólogos. Os resultados desta intervención, aínda en fase preliminar, están a confirmar a existencia dunha muralla con torre circular encostada e fosos a ambos lados, así como outras estruturas (muros, canles, etc.).

O castelo, levantado cara a mediados do século XIII, era unha das residencias do arcebispo de Santiago ademais de posto de control militar e fiscal polo sur da cidade. Ao longo de algo máis de 200 anos, no contexto das loitas entre a burguesía e a nobreza laica contra o poderío arzobispal, a fortificación sufriu varios asedios. Finalmente o castelo sería destruído no ano 1467, en tempos do arcebispo Alonso II de Fonseca, a consecuencia da revolta irmandiña.

Os traballos, promovidos polo Concello de Santiago a través da Oficina de Rehabilitación da Concellaría de Urbanismo, Vivenda, Cidade Histórica e Acción Cultural, forman parte do programa EDUSI (Estratexias de Desenvolvemento Urbano Sostible e Integrado), cofinanciado nun 80% con fondos europeos FEDER (Fodos Europeos de Desenvolvemento Rexional).

 

 

https://www.gciencia.com/historias-gc/tramos-muralla-rocha-forte-santiago/

https://www.elcorreogallego.es/santiago/aparecen-nuevos-muros-y-dos-fosos-en-el-castillo-de-a-rocha-YB5113562

https://www.lavozdegalicia.es/noticia/santiago/santiago/2020/10/27/salen-luz-dos-nuevos-tramos-dos-fosos-castelo-da-rocha/00031603820168028785424.htm

 

Noticias relacionadas
El meandro del río que rescataba muertos de la guerra

El meandro del río que rescataba muertos de la guerra

08/12/2021
El País se hace eco de los trabajos en Crecente. Buscaban huesos de un edil socialista y han hallado ya cuatro cráneos más con signos violentos de represalidados por el franquismo. César Alberte Domínguez, carpintero y concejal socialista de Arnoia (Ourense), fue sacado de su casa por
Comprarán una finca para ampliar las excavaciones de Proendos

Comprarán una finca para ampliar las excavaciones de Proendos

05/12/2021
La Voz de Galicia se hace eco de los últimos trabajos en Proendos. El Ayuntamiento de Sober tiene la intención de comprar una finca privada situada junto al lugar donde se están exhumando los restos de un horreum o depósito de cereales de la época romana —en la parroquia de Proendos—, ya que se
Un hórreo único en Galicia confirma o tesouro romano de Proendos

Un hórreo único en Galicia confirma o tesouro romano de Proendos

04/12/2021
Reportaxe de Gciencia sobre o Horreum de Proendos “Cando era mozo tiña que levarlle peras a un vello que vivía nunha casa alí atrás e el xa me dicía: ‘Neno, aquí hai un pobo enterrado’. E mira, non se enganaba”, comenta orgulloso un veciño de Proendos ao alcalde do seu concello, Sober, na Ribeira
Las pinturas rupestres de Casaio datadas en siete milenios

Las pinturas rupestres de Casaio datadas en siete milenios

06/02/2021
El paraje de Pala de Cabras, en Casaio (Carballeda de Valdeorras)pudo haber estado ocupado hace siete milenios. Esta es la hipótesis que planteó Manuel Santos-Estévez, profesor de la portuguesa Universidade do Minho, después del trabajo publicado por la revista "Complutum", que edita la Universidad

¡Compártelo!

¿Quieres más información sobre los proyectos y trabajos de Tempos Arqueólogos?

Si estás interesado en contar con el equipo de Tempos Arqueólogos en algún proyecto no dudes en contactar con nosotros y solicitar un presupuesto a medida.