Exposición conmemorativa dos 75 anos das escavacións no Castro de Elviña

A empresa Tempos Arqueólogos, en colaboración con RVR Arquitectos realizou unha exposición na cidade da Coruña, promovida polo propio concello, conmemorando o 75 aniversario das escavacións do Castro de Elviña.

A iniciativa desta exposición era de carácter divulgativa para achegar á cidadanía sobre a importancia das escavacións a nivel cultural e de patrimonio e para achegar o castro aos cidadáns da Coruña, para que coñezan a relevancia do xacemento a nivel histórico

Esta exposición realizouse no verán de 2022 entre os meses de agosto e setembro, concretamente entre o 16 de agosto ata o 11 de setembro. Estaba composta de cinco paneis situados na zona dos Cantóns, no Obelisco, e posteriormente trasladouse ó Museo Arqueolóxico de San Antón na que se pode visitar actualmente.

Estes paneis explican de forma didáctica sobre a importancia da Idade do Ferro e do proceso de romanización en Galicia a través do castro e da cidade da Coruña. Explícase a estrutura do castro poñéndoo en relación ao contorno histórico da cidade, e a forma de vida que se tiña na Idade do Ferro, como por exemplo as relacións comerciais, o papel das mulleres e os cultos e crenzas. Tamén se expón os obxectos e materiais atopados e das distintas intervencións arqueolóxicas que se fixeron ao longo dos séculos XX e XXI.