No contexto do Plan Cuatrianual de Memoria Democrática, baixo encargo da USC, leváronse a cabo as labores de excavación arqueolóxica para a identificación e exhumación dunha fosa común con vítimas da represión da Guerra Civil e Ditadura no cemiterio de Santiago de A Capela (A Capela, A Coruña). Realizándose unha prospección xeofísica coa finalidade de identificar indicios sobre a localización das posibles fosas, escavar e identificar de xeito individualizado os restos achados, documentar e analizar en campo cada resto identificado; exhumar e extraer individualmente cada individuo represariado, realizar una análise en laboratorio dos datos primarios obtidos en campo, relacionar aqueles datos aportados tanto polas fontes bibliográficas coma documentais e orais durante o proceso de excavación e finalmente adoptar as medidas de conservación e protección necesarias para a preservación dos restos óseos para realizar analíticas de ADN.
Para acadar estes obxectivos execútase en primeiro lugar a prospección xeofísica con xeo-radar. Os datos achegados pola prospección con xeorradar puxeron de manifesto a complexa disposición do subsolo das áreas exploradas do cemiterio, o que dificulta a identificación de elementos compatibles con enterramentos, especialmente no caso que ocupa a intervención de procura para a exhumación, de tipo individual.
Realizáronse dúas sondaxes arqueolóxicas con resultados negativos. Por tanto, é posible afirmar, que nas zonas onde se realizaron as sondaxes, a pesar de que se mostraban anomalías no xeo-radar, estas non se correspondían con actividades antrópicas.
Non que aos materiais refírese, non se recuperou ningún artefacto ou peza que poida precisar algún dato para o establecemento dunha cronoloxía relativa.
En conclusión, como se mencionaba con anterioridade, de xeito preliminar e na prospección xeofísica non foi posible identificar positivamente elementos de enterramentos individuais simples.