Morteiro de Saturninus

O museo de Ourense presente a súa peza do mes de decembro de 2022

Con motivo das obras realizadas na estrada N-525, ao abeiro do coñecido como Plan de accesos a Galicia, levado a cabo na primeira metade da década dos anos 70 do século XX, que tiña por obxecto mellorar o trazado desta vía, tivo lugar o descubrimento desta peza, xunto cuns fragmentos de terra sigillata, nas proximidades da cidade de Ourense, á altura do lugar de Papón.

Os  morteiros  coa  marca  de  Saturninus,  en  Hispania concéntranse  prioritariamente  na  Tarraconense,  se exceptuamos  os  exemplares  de  Olisipo  (Lisboa),  na Lusitania, e o de Laminium (Alhambra, Cidade Real), na  Oretania  setentrional.  A  súa  distribución  sinala unha clara penetración desde a costa cara ao interior, cos exemplares de Barcino e Emporiae, continuando co  de  Celsa,  Uxama,  Herrera  de  Pisuerga,  Paredes de Nava, 
Lucus Augusti, e este de Papón (Ourense). Esta   dispersión,   xunto   coa   de   outros produtos, como a cerámica pintada tipo «Clunia», a circulación monetaria,  determinados  prototipos  de  cerámica  de paredes finas e de vidro, entre outras manufacturas, axudan a definir o que hai anos, en colaboración con Manuel  Xusto  Rodríguez,  denominamos  a  «corrente continental na Galicia romana Altoimperial».

Texto provinte da peza do Mes do Museo Arqueolóxico de Ourense